26 të vrarë dhe 52 të plagosur është bilanci i të shtënave në një qendër tregtare në Tajlandë. Autori i dyshuar, një rreshter 32-vjeçar u vra disa orë më vonë në përpjekje për t’u larguar.
Kryeministri Prayut shprehu ngushëllimet për këtë ngjarje, duke thënë se duhet të jetë hera e fundit që ndodh një masakër e tillë. Ai shtoi se motivi i personit të armatosur ishte i lidhur me shitjen e një shtëpie.
Ishte vetë autori i sulmit që postoi fotografi dhe video të pengmarrjeve dhe vrasjeve në profilin e tij në Facebbok, por faqja tij u bllokua menjëherë. Para se të sulmonte në qendrën tregtare ai kishte qëlluar ndaj komandantit të tij, dhe disa ushtarëve. Më pas ai mori një mjet ushtarak dhe u drejtua për në qendrën tregtare. Gjatë rrugës, rreshteri tajlandez nuk ka kursyer as kalimtarët dhe sapo mbërriti në vendngjarje, qëlloi këdo që i dilte para.
Në profilin e tij në Facebook në postimin e tij të fundit ai shkruante: “Jam kaq i lodhur”./abcnews.al
