Presidenti amerikan Joe Biden i ka bërë thirrje Hamasit të tregojë se dëshiron t’i japë fund luftimeve në Gaza duke pranuar marrëveshjen e armëpushimit që u miratua dje nga Këshilli i Sigurimit i OKB-së.
“Këshilli i Sigurimit i OKB-së sapo miratoi rezolutën tonë që i bën thirrje Hamasit të pranojë marrëveshjen për të vendosur një armëpushim të kombinuar me lirimin e pengjeve,” shkroi Biden në X.
The UN Security Council just adopted our resolution calling on Hamas to accept the deal to establish a ceasefire with the release of hostages.
Hamas says it wants a ceasefire. This deal is an opportunity to prove they mean it.
— President Biden (@POTUS) June 10, 2024
“Hamasi thotë se dëshiron një armëpushim. Kjo marrëveshje është një mundësi për të provuar se ata e duan këtë.”
Hamasi lëshoi një deklaratë duke përshëndetur rezolutën e OKB-së pak pasi ajo kaloi, duke thënë se ishte gati të bashkëpunonte me ndërmjetësit për zbatimin e parimeve të planit.
Marrëveshja, e përshkruar nga Biden në fund të majit do të ndodhte në tre faza.
Faza e parë e marrëveshjes do të ishte një armëpushim gjashtëjavor, e dyta lirimi i pengjeve të mbetura nga Gaza dhe e treta dhe e fundit, një plan rindërtimi për Gazën.
Rezoluta kaloi me 14 vota pro dhe vetëm Rusia abstenoi nga votimi.
/abcnews.al
