Presidenti i SHBA-së Joe Biden do ti nënshtrohet sot kontrollit mjekësor vjetor, i cili konsiderohet kritik për presidentin më të vjetër amerikan të zgjedhur ndonjëherë.
“Unë do të shkoj në spitalin ushtarak Walter Reed për kontroll”, u tha ai gazetarëve ndërsa po largohej nga Shtëpia e Bardhë në një kohë kur janë ngritur dyshime për aftësinë e tij për të qeverisur për shkak të shëndetit të tij.
Ky kontroll do të jetë i fundit që do t’i nënshtrohet 81-vjeçari Biden para zgjedhjeve presidenciale në nëntor. Shtëpia e Bardhë tha se do të publikojë një përmbledhje me shkrim të rezultateve gjatë ditës së sotme.
Biden nuk pi duhan, nuk pi alkool, luan sport dhe nuk ka pasur probleme serioze shëndetësore që nga operacioni që iu nënshtrua në vitin 1988.
/abcnews.al
