Presidenti i SHBA-së Joe Biden pritet të takohet sot me negociatorët amerikanë për lirimin e pengjeve, pasi ushtria izraelite gjeti trupat e gjashtë pengjeve në Gaza, përfshirë një shtetas amerikan.
Në takimin, i cili do të zhvillohet në Shtëpinë e Bardhë, do të marrë pjesë edhe zv.presidentja Kamala Harris, e cila do të jetë kandidate në zgjedhjet presidenciale të nëntorit.
Në deklaratën e lëshuar për takimin thuhet se Biden dhe Harris do të takohen sot me “ekipin amerikan që negocion një marrëveshje pengjesh pas vrasjes së shtetasit amerikan Hersh Goldberg-Paulin dhe pesë pengjeve të tjerë nga Hamasi dhe do të diskutojnë përpjekjet për të arritur një marrëveshje që do të siguronte lirimin e pengjeve të mbetura”.
Shtetet e Bashkuara, Egjipti dhe Katari, të cilët kanë gjithashtu një rol ndërmjetësues, kanë kërkuar prej muajsh një shkëmbim pengjesh për të burgosurit palestinezë dhe një armëpushim në Rripin e Gazës.
/abcnews.al
