Mbrojtësi i Bylisit, Ditmar Bici, është një nga të ftuarit në emisionin “Pressing”, në ABC News. Futbollisti i ekipit ballshiot tha se po kalojnë një formë shumë të mirë dhe shpreson që skuadra e tij të ruajë këtë ecuri. Mes të tjerash, Bici u shpreh:
ECURIA – “Përderisa kemi arhdur deri këtu, kemi ardhur me forcat tona. Kemi një ecuri shumë të mirë dhe duhet të vazhdojmë kështu. Kemi edhe merkaton e janarit përpara dhe mund të rikuperojmë ndonjë gjë. Përderisa situata është kështu në kampionatin tonë, të gjitha skuadrat kanë të drejtë të besojnë. Shpresoj që kampionati të shkojë kështu deri në fund”.
PARTIZANI – “Në ndeshjen në derbi, dy lojtarët më të mirë ishin Romero dhe Asani. Këto ndryshimet e shpeshta te Partizani, sjellin këto rezultate false. Ne shqiptarët e kemi mentalitet që futbollistët futen në presion kur nuk e shikojnë veten në formacion”./abcnews.al
