Kryeministri i sapoemëruar i Nepalit Khadga Prasad Oli u betua këtë të hënë në një ceremoni solemne në kryeqytetin, Katmandu.
Oli (72-vjecc), kreu i Partisë Komuniste të Nepalit, u emërua në këtë post të dielën pas rënies së qeverisë së mëparshme të koalicionit, raporton AP.
Ai do të drejtojë një qeveri të re koalicioni të përbërë nga partia e tij dhe Partia e Kongresit Nepal, dy partitë më të mëdha të vendit.
Ky është mandati i katërt i Olit si kryeministër. Dy nga zëvendësit e tij, si dhe 19 ministra bënë betimin. Oli pritet të zgjerojë më tej qeverinë duke përfshirë anëtarë të dy partive kryesore.
Qeveria e mëparshme e udhëhequr nga Pushpa Kamal Dahal u rrëzua të premten, pasi partia e Olit tërhoqi mbështetjen nga koalicioni qeverisës për të mbështetur partinë e Kongresit si një partner të ri./abcnews.al
