Nga Edi Oga
Që në lashtësi, njerëzit kanë rendur pas gurëve të çmuar dhe metaleve. I kanë kërkuar si mineral, i kanë shkrirë, i kanë derdhur, u kanë dhënë formë, i kanë shkëmbyer. Pafundësisht luftëra janë bërë për të grabitur gurët dhe metalet e çmuar të njëri-tjetrit.
Edhe sot, në të gjithë botën luftohet për të shtënë në dorë gurë dhe lëndë të tjera të çmuara; argjend, ar, platin, diamant, palladium, jadeite. Luftohet ashpër edhe për naftën, arin e zi.
Shqiptarët nuk luftojnë për asnjë nga ato më lart; lënda më e çmuar për shqiptarët është BETONI. Asnjë material tjetër nuk e dikton jetën e shqiptarit, sa BETONI. Të varfërit punojnë gjithë jetën që të bëjnë të vetën një shtëpi prej BETONI. Të pasurit përpiqen t’u lënë pas fëmijëve sa më tepër objekte BETONI. Kriminelë, trafikantë, keqbërës të ndryshëm, pra edhe politikanë, BETONIN e
kanë mjet të pastrimit të parave të tyre të pista. Përsa ‘pasuri të patundshme’, pasuritë prej BETONI nuk mund t’i tundë kush përveç ligjit, por dreqi ta hajë edhe njerëzit e ligjit njerëz janë. Edhe ata Perëndi BETONIN kanë.
Pra o miq, lufta e sotme nuk bëhet as për liri, as për demokraci, por bëhet për BETON.
Madje beteja për një BETON ‘të bukur’, sapo ka filluar!
/abcnews.al
