Berisha: Rama shkatërroi shëndetësinë, mjekët dhe infermierët këtu paguan as sa gjysma e Kosovës

schedule11:50 / 21/02/2020

Ish-kryeministri Berisha ka radhitur një mori akuzash ndaj qeverisë dhe kryeministrit Rama gjatë fjalimit të mbajtur sot në konferencësn e PD për shëndetësinë.

Në fjalën e tij, Berisha theksoi se maxhoranca ka qëllim shkatërrimin e Sistemit të Shëndetësisë dhe këtë po e bën përmes vjedhjejeve dhe investimeve të pakta.

Ish-kryeministri e ashpërsoi gjuhën ndaj Ramës duke e cilësuar një të paditur në fushën e Shëndetësisë.

LIVE – Konferenca “Sfida dhe vizione në shendetesi”

LIVE – Fjala e Sali Berishes në konferencën “Sfida dhe vizione në shëndetësi”

Gepostet von Partia Demokratike e Shqipërisë am Freitag, 21. Februar 2020

Ndër të tjera, Berisha tha:

Jo më larg se dje, po deklaronte (kryeministri Rama sh.r) në një nga sallat se nuk kemi mungesë mjekësh. Ky xhahil, ky cinik, ky injorant nuk kupton se sot Shqipëria është më keq se në kohën e Enver Hoxhës në rapotin mjek/ për frymë.

Nuk kupton se në Europë dhe botë numri i mjekëve për frymë është një nga treguesit themelore të një Sistemi Shëndetësor. Nuk kupton se ia kanë mbyllur sytë koncensionet.

SDoit vendet e zhviluara kanë një mjek për 300 banorë, në vendet isgh-komuniste kanë 1 mjek me 400 banorë, kurse shqipëria po shkon në raportin 1 mjek/ 1000-1200 banmorë.

Sot, dhjetra mijëra qytetarë shqiptarë po privohen nga kujdesi shëndetësor.

Ka me dhjetra mijëra fëmijë që nuk gjejnë pediatër, apo dhjetra mijëra gra që nuk gjejnë gjinekologun, por ne jemi në rregull për Ramën.

Nuk duhet habitur, sepse po ky do të bënte Europën të qeshte më të duke thënë se Shqipëria nuk ka banda. Në fakt kur je vetë kryebandit, bandat të duken lule. Nuk ka kriminelë thotë, ka keqbërës.

Pikërisht bandat dhe kriminelët po shkatërrojnë Sistemin Shëndetësor.

Po shkatërrohet një sistem që ishte i brishtëe vetë, por që ka nevojë të konsolidohet dhe të përsoset.

Berisha gjithashtu theksoi se maxhoranca është duke promovuar si investime të kësaj periudhe ato që janë bërë ndërkohë vite më parë.

“Ka puthuajse zero investime në Shëndetësi. Kanë dy muaj që reklamojnë pafytyrësisht një spital thuajse të përfunduar në vitin 2012 duke e paraqitur para shqiptarëve si investimin më të madh në Shëndetësi gjatë 90 viteve të fundit. Edhe atë e gjymtuan, e çuan në 40 shtretër. Nga 9 salla operacioni mbeten 7 salla operacioni.

Ccdo ditë kolegë tuaj, studentë tuaj, nisen dhe marrin rrugët. Ky mashtrues deklaron se po i paguan si Gjermania.

Ky flet sikur jeton në anën tjetër të hënës. Faktikisht po nxit shkatërrimin e Sistemit Shëndetësor. Kjo punë që bëhet sot këtu ka një rendësi të jashtëzakoinshme për vendin që Shqipëria të marrë kthesën në ndërtimin e një Sistemi Shendetësor të përshtatshëm.

Një nga treguesit që kishim më mire, dhe mburreshim ishte aksesi në Sistemin Shëndetësor nga më të mirët Europë, por tani ka shkuar radha 1 muaj përe tu vizituar tek një specialist.

Mjeku në Shqipëri merr gjysmën e rrogës që merr mjeku në Kosovë. Infermierja në Kosovë merr 850 euro, këtu as gjysmën e tyre.

Wshtë një politikë shkatërrimi, nga tradhtia, hajdutëria apo të gjitha sëbashku”, tha Berisha duke iu referuar gjithashtu edhe incidentit të mbrëmshëm me studentin e Mjekësisë, i cili u nxorr jashtë nga badigardët teksa po thoshte se diplomat janë në fakt bileta për në Gjermani.

“Dënoj fort banditizmin ndaj studentit të Shëndetësisë. I themn këtij gangsteri se ka rrahur çdo student shqiptar. Ai i tha se diplomat janë bileta për të shkuar në Gjermani dhe ashtu janë. Shpreh solidaritetin tim ndaj atij studenti”, përfundoi Berisha.

Ndërkohë në një reagim në rrjetin social në “Facebook” krahas disa fotove të publikuara si kundërpërgjigje ndaj ish-kryeministrit, Sali Berisha dhe liderit të PD, Lulzim Basha, ministria Manastirliu theksoi se Qendra Spitalore më e madhe në vend nuk dallonte pothuaj fare, nga një treg i gjësë së gjallë, ushqimeve të çastit dhe fanellatës. “Fjalët nuk mjaftojnë për të përshkruar gjendjen e shëndetësisë, në kohën e katrahurës së atyre që sot paturpësisht shpallin vizione për shëndetësinë”, shkruan ministria e Shëndetësisë, Ogerta Manastirliu.

Statusi:

Fjalët nuk mjaftojnë për të përshkruar gjendjen e shëndetësisë, në kohën e KATRAHURËS së atyre që sot paturpësisht shpallin vizione për shëndetësinë.

Ja, këto pamje/fakte ilustrojnë qartësisht vizionin e tyre. Nuk janë realizuar në vendgrumbullime mbeturinash, por janë shkrepur mu në zemër të qendrës spitalore më të madhe në vend vetëm 6 vjet më parë!

Ishte koha kur profesorë, mjekë dhe infermierë të nderuar, qytetarë hallexhinj dhe të sëmurët duhej të punonin dhe merrnin shërbimin ekzaktësisht në këto mjedise.

Koha kur Qendra Spitalore më e madhe në vend nuk dallonte pothuaj fare, nga një treg i gjësë së gjallë, ushqimeve të çastit dhe fanellatës, ka ikur një herë e mirë.

KTHIM PAS NUK DO TË KETË!

Puna për #ShëndetësinëQëDuam vazhdon👉pa u ndalur kudo në Shqipëri!

PS: Fotografia e parë është shkrepur në shërbimin e Kardiologjisë, të cilin Doktori “e deshi” dhe “e mbështeti” aq fort…

 

/abcnews.al

schedule11:50 / 21/02/2020