Gjatë turit elektoral në Durrës për postin e kreut të Partisë Demokratike, ish-kryeministri Sali Berisha komentoi ndër të tjera plagosjen me armë zjarri të ish-kandidatit të Partisë Socialiste, Ardit Kërtusha ditëm e djeshme jashtë ambienteve të lokalit të këngëtarit të njohur Noizy në Durrës.
Me ironi ndaj qeverisë, Berisha tha se PD ka në bazë votën e lirë, ndërsa Partia Socialiste ka plumbin, duke iu referuar ngjarjes së djeshme.
“Një zyrtar i Partisë Socialiste më thoshte që dëgjoi me vëmendje ‘nuk u besova veshëve për atë që thoshte Edi Rama’. Pyeta se për çfarë bëhej fjalë, kryetarët do i caktonte komisioni pa votë. Në fakt ai nuk thoshte, por pas dy ditësh u provua që do i caktonte edhe plumbin, jo në zarf, por edhe drejt tij, siç ndodhi me Kërtushën këtu. Kjo është vota që ka PS. Këtë rast, kjo situatë e krijuar në PS, reflektohet në shoqëri. Ne u shndërruam në një komb që ecën duke shkelmuar mbi dinjitetin dhe votën e lirë. Jam dakord që është përgjegjësi e jona dhe e demokratëve. Jo, ne sot s’do e tolerojmë,” tha Berisha nga Durrësi.
Takimi i Berishës me demokratët e Durrësit u zhvillua sot në kuadër të turit elektoral të Sali Berishës, i cili kandidon për kreun e Partisë Demokratike.
Zgjedhjet për kreun e PD-së do të zhvillohen më 22 maj, ndërsa përballë Sali Berishës është kandidati Ibsen Elezi.
/abcnews.al/
