Benzema, njeriu i mbrëmjes realizoi dje një tripletë ndaj PSG-së duke bërë Bernabeun të fluturojë në qiellin e shtatë.
Sulmuesi francez foli për “RMC” për të komentuar ndeshjen ndaj parisienëve.
“Nuk ishim mirë në ndeshjen e parë, ndërsa sot ishim tjetër ekip i cili luajti me presion shumë të lartë dhe shtyu shumë përpara. Ne kemi treguar se jemi një skuadër e madhe, ashtu si edhe PSG.
U përballëm me lojtarë të klasit botëror, por ata nuk ishin më të fortë se ne. Mbappe? Ai është i zhgënjyer, donte të shkëlqente në Bernabeu dhe luajti një ndeshje fantastike duke shënuar, por më pas topin e morëm ne dhe e përmbysëm rezultatin.
Faull ndaj Donnarumma? Jo aspak, unë i ushtrova presion dhe ai e humbi topin vet”, përfundoi bomberi francez./ h.ll/abcnews.al
