Karim Benzema ka futur të gjithë në “mendime”, teksa ka postuar një foto në profilin e tij zyrtar, në Instagram, ku krahas ka shkruar, “Nuk më intereson”.
Fituesi i “Topit të Artë”, prej ditësh është protagonist i diskutimeve, mes Presidentit francez, Emmanuel Macron, që kërkon prezencën e “bomberit” në finale dhe teknikut Deschamps, që i kanë ardhur në “majë të hundës”, pyetjet lidhur me prezencën e sulmuesit të Real Madrid.
Benzema e ka humbur tashmë një finale Botërori, pasi mungoi në Kupën e Botës, “Rusi 2018”, pas skandalit të videove me përmbajtje seksuale, që përfshinë dhe shokun e tij te “gjelat”, Mathieu Valbuena.
Numri 9 i Real Madrid u kthye të luajë për “blutë”, në Evropianin e zhvilluar vitin e shkuar dhe në “Katar 2022”, Benzema duhet të ishte një yjet e padiskutueshëm të këtij turneu, por një dëmtim e la jashtë fushës pak para fillimit të kompeticionit. /i.m /abcnews.al
View this post on Instagram
