Personat me kolesterol total të lartë duhet të kryejnë në spital, klinikë apo laborator analizën për vitaminën D në gjakun e tyre, e cila realizohet nëpërmjet një procedure të thjeshtë.
Këta persona mund të kenë mungesë të vitaminës D. Dhe një dozë më e vogël e vitaminës D në gjak shkakton një ndryshim në metabolizmin e kalciumit, përthithjen nga zorrët dhe depozitimin e kalciumit në kocka.
Reduktimi i vitaminës D shoqërohet gjithashtu me një rritje të sekretimit te parathormonit nga paratiroidja, duke rezultuar në heqjen e kalciumit nga kockat dhe tendencën për osteopeni dhe më pas në osteoporozë për humbjen progresive të densitetit kockor.
Le të mos shohim vetëm rritjen e kolesterolit, le të mendojmë edhe për reaksionet e tjera biokimike hormonale që vijnë me rritjen e kolesterolit në gjak.
Ekziston një lidhje e ngushtë midis kolesterolit dhe shëndetit të kockave. Osteoporoza është një sëmundje në rritje tek femrat por edhe tek meshkujt. Kolesteroli i lartë, niveli i ulët i vitaminës D, niveli i lartë i paratormonit mund të çojnë në osteoporozë, humbje të densitetit të kockave, me uljen e gjatësisë së personit.
Ju ftoj të kontrolloni gjatësinë tuaj për të kontrolluar uljen e mundshme në krahasim me vitet tuaja të rinisë.
Spitali Amerikan, përqafoje jetën! #spitaliamerikan
