Juventus pritet të luajë në transfertën e Beneventos këtë të shtunë dhe ka disa ndryshime në listën e lojtarëve të grumbulluar nga trajneri Pirlo. Ajo që bie në sy është lënia jashtë e Cristiano Ronaldos nga kjo ndeshje.
Sipas burimeve pranë klubit torinoz, tekniku italian ka vendosur që ta lërë pushim portugezin për këtë duel. Gjithashtu tek “Zonja e Vjetër” ka edhe rikthime si ai i Leonardo Bonuccit, i cili pritet të jetë titullar.
Ndeshja është planifikuar të luhet në orën 18:00 në stadiumin “Ciro Vigorito”. Pas tetë ndeshjeve të para, Juventus renditet në vendin e pestë në renditje me 16 pikë, katër më pak se Milani kryesues. /abcnews.al
