Andrea Belotti nuk është titullar tek Italia, por një gjë e tillë nuk ka shumë rëndësi të madhe për sulmuesin e Torinos. Rëndësi ka grupi dhe suksesi i kombëtares së kaltër, që e ka nisur në mënyrë fantastike Euro 2020.
Dy fitore nga 3-0, skuadra e parë që u kualifikua në raundin tjetër, teksa nesër zhvillohet sfida ndaj Uellsit (18:00). 27-vjeçari foli në konferencën për shtypin rreth takimit ndaj ishullorëve dhe objektivave të Italisë.
“Unë personalisht, por edhe shokët e tjerë të skuadrës, nuk ndikohemi nga fakti nëse luajmë si titullarë apo jo, zbresim në fushë gjithmonë me dëshirën për të fituar, duke qëndruar të përqendruar tek objekivi i parë, që është ndeshja ndaj Uellsit.
Ne jemi të vetëdijshëm që duhet të bëjmë një paraqitje të madhe. Nuk bëjmë llogari, do të zbresim në fushë për fitore. Sigurisht që dëshira për të luajtur është e madhe, qëndron dhe jeton brenda nesh.
Ne përfaqësojmë të gjithë italianët, kështu që çdokush duhet të japë maksimumin kur luan. Po rritet konsiderata për ne, por duhet të qëndrojmë me këmbë në tokë,. Vetëm me përulje dhe dëshirë për t’u përmirësuar shkojmë larg.
E kam thënë gjithmonë që kjo Itali është e mbushur me lojtarë të rinj dhe të talentuar. Sigurisht që ai që më bën më shumë përshtypje është Nicolo Barella, për mënyrën e tij të lojës dhe personalitetin që vendos në fushë në çdo ndeshje.
Ai është një lojtar i nivelit të lartë, ka hedhur një hap të jashtëzakonshëm“, deklaroi Andrea Belotti për Sky Sport. /abcnews.al
