Belgjika do të shtrëngojë masat kundër koronavirusit, por duke shmangur izolimin. Kjo masë erdhi për shkak të numrit në rritje të rasteve me COVID-19.
Nga e mërkura, belgët do të lejohen të takojnë maksimalisht pesë persona jashtë familjeve të tyre.
Aktualisht, një individ belg mund të takojë 15 persona. Numri aktual i viktimave nga koronavirusi në Belgjikë është 9,821.
Kryeministrja belge deklaroi kjo masë do të jetë në fuqi për katër javët e ardhshme.
“Deri më tani, ‘fluska sociale’ e secilit person ka qenë e kufizuar në 15 persona në javë. Nga e mërkura, do të kufizohet në pesë persona, gjithmonë të njëjtit për katër javët e ardhshme, dhe kjo vlen për gjithë familjen.
Pra, tani numërojmë familjen dhe jo një person. Fëmijët nën moshën 12-vjeçare nuk llogariten në ata pesë persona”, tha kryeministrja belge, Sophie Wilmes.
Wilmes po ashtu tha se Belgjika do t’i përgjysmojë numrat e personave të lejuar në tubime publike: 100 në ambiente të mbyllura dhe 200 jashtë.
Në total, Belgjika ka konfirmuar mbi 66,000 raste pozitive me koronavirus./abcnews.al
