Sanksionet e reja të Bashkimit Evropian kundër Iranit në përgjigje të sulmit të fundit të vendit ndaj Izraelit duhet të përfshijnë Korpusin e Gardës Revolucionare (IRGC), sipas ministres së Jashtme të Belgjikës.
Duke folur me gazetarët përpara një takimi me ministrat e BE-së, Hadja Lahbib tha se do të kishte një diskutim mbi bazën ligjore për shtimin e forcave të armatosura të Iranit në listën e organizatave terroriste.
“Ne do ta diskutojmë atë së bashku,” theksoi Lahbib.
“Unë gjithashtu mendoj se ne duhet të zgjerojmë sanksionet kundër kolonëve të dhunshëm në Bregun Perëndimor palestinez. Duhet të jemi të ekuilibruar dhe të sigurohemi që nuk do të akuzohemi se kemi standarde të dyfishta”, shtoi ajo./abcnews.al
