Ekipi anglez i Manchester United, po kërkon një trajner të ri për sezonin e ardhshëm. Ole Gunnar Solskjaer nuk ofron garanci, rezultate dhe trofe në krye të “Djajve” dhe Ed Woodward, kërkon një trajner të ri për sezonin tjetër.
Objektivi kryesor, raporton Bild, është Hansi Flick. Gjermani u vu në krye të Bayern pas shkarkimit të Niko Kovac dhe po bën një punë të shkëlqyer te kampionët e Gjermanisë.
Puna e tij e mirë nuk ka kaluar pa u vënë re nga United, që e sheh si trajnerin ideal për të vazhduar me projektin e tyre dhe për t’u rikthyer në majat e futbollit anglez, dhe atij europian./abcnews.al
