Bashkimi Evropian ka miratuar paketën e 15-të të sanksioneve kundër Rusisë lidhur me pushtimin e saj në Ukrainë, duke përfshirë masa më të ashpra kundër subjekteve kineze dhe më shumë anije nga e ashtuquajtura flota hije e Moskës, tha Komisioni i BE-së në një deklaratë të hënën.
Paketa e re e sanksioneve shton 52 anije nga flota hije që përpiqen të anashkalojnë kufizimet perëndimore për të lëvizur naftë, armë dhe drithëra.
BE filloi të shtojë anijet në ‘listën e zezë’ në fillim të këtij viti në përgjigje të rritjes së numrit të anijeve që transportojnë mallra që nuk janë të rregulluara ose të siguruara nga ofruesit konvencionalë perëndimorë.
“Hapi drejt sanksioneve të plota dërgon një sinjal të rëndësishëm për kinezët. Ne e marrim këtë shumë seriozisht,” tha një diplomat i BE./abcnews.al
