Interi u mposht 2-0 nga Bayern Munich në ndeshjen e parë të fazës së grupeve të Champions League. Një humbje që deri diku pritej, pasi zikaltrit përballë kishin një skuadër që vështirë të tolerojë në të tilla kompeticione.
Pas kësah disfate ka folur edhe trajneri i ziklatërve, Simone Inzaghi, i cili ka theksuar se bavarezët janë një nga skuadrat më të mëdha në Europë dhe kur luan përballë ekipeve të tilla duhet të bësh një ndeshje perfektë që të paktën të mos humbësh.
“Kemi bërë 20 minutat e parë ku kemi hyrë në fushë shumë të kontraktuar. Jemi ndeshur me një skuadër të jashtëzakonshme, intensive, një nga më të fortat në Evropë. Te goli i parë duhej të bënim më mirë si skuadër, pastaj u përmirësuam dhe krijuam shumë situata, duke gabuar teknikisht pasimin e fundit.
Në pjesën e dytë bëmë presion, kishim raste me Dzekon dhe Correan. Ndaj skuadrave të tilla duhet të bësh ndeshjen perfekte që nuk ndodhi, por përballeshim me një kundërshtar me një cilësi shumë të lartë.
Jam dakord me atë që thoni se mbrojtësit ishin pasiv te golat. E kam rishikuar golin, duhej të mbulonim topin pasi e dinim që bënin lëvizje të tillë. Pastaj Sane bëri një gol të shkëlqyer por sigurisht që duhej të bënim më mirë pasi e dimë që kundër skuadrave të caktuara, për të siguruar një ndeshje duhet të jesh perfekt”, ka theksuar Inzaghi.
Andre Onana ishte në portë nga minuta e parë, por duket se trajneri nuk është bindur nga portieri kamerunas. Përkundër se Onana bëri disa pritje të shkëlqyera, Inzaghi ka befasuar duke thënë se kamerunasi nuk ka bërë shumë.
“Nuk kujtoj pritje të mëdha nga Onana, mendoj sa kanë bërë pritje të njëjta me Neuer.
Por duhej të ishim më të aftë në leximin e lojës pasi kanë lojtarë që në çdo moment mund të të krijojnë situata. Nuk duhej të pësonim golin e dytë në minutën e 67-të pasi ndeshja ishte e hapur”, përfundoi tekniku i italianëve. /f.a/abcnews.al
