Rregullat janë rregulla dhe gjermanët nuk falin. Jerome Boateng u gjobit para disa kohësh për shkak se shkeli rregullat e izolimit dhe më pas edhe bëri aksident gjatë udhëtimit për të shkuar drejt të birit, që sipas gjermanit ishte i sëmurë.
Këtë herë e pëson Kinglsley Coman. Arsyeja mund t’ju duket qesharake, pasi francezi është gjobitur për shkak se ka shkuar në stërvitje me një McLaren. Cili është problemi këtu? Bavarezët e kanë detyrim të përdorin makinat AUDI, të dhuruara nga sponsori.
Coman nuk e ka zbatuar rregullin dhe më pas ka kërkuar falje. Për BILD ai është shprehur: “Do të doja t’i kërkoja falje klubit dhe AUDI-t që nuk shkova në stërvitje me makinën e kompanisë time. Arsyeja ishte sepse kisha të dëmtuar një pasqyrë në AUDI-n tim. Gjithsesi mbetet një gabim”. /abcnews.al
Kingsley Coman will be fined for coming to training in a McLaren instead of his Audi car.
Coman to BILD: "I'd like to apologize to the club and Audi for not having come to training in my company car. The reason was a damaged wing mirror on my Audi. It still was a mistake" pic.twitter.com/VOsUnL83Si— Bayern & Germany (@iMiaSanMia) April 16, 2020
