Bayern Munich ka në dorë titullin kampion në Bundesligë, ndërsa është në garë edhe në Champions, pas kualifikimit në çerekfinalet e turneut më të rëndësishëm të futbollit europian për klube.
Pavarësisht kësaj, bavarezët kanë një rekord negativ në këtë sezon. Bëhet fjalë për golat e pësuar, 39 në 41 ndeshje të luajtura.
Por gjërat mund të shkojnë me keq, pasi Vincent Kompany ka humbur pjesë të rëndësishme në mbrojtje.
Pas Manuel Neuer, janë dëmtuar edhe Alfonso Devis dhe Dayot Upamecano.
Anësori kanadaz ka pësuar një lëndim të rëndë me kombëtaren e vendit të tij. Testet e specializuara mjekësore treguan thyerje të ligamenteve kryq, ndërsa ky dëmtim do ta mbajë jashtë fushave për të paktën 6 muaj.
Më I lehtë është dëmtimi për mbrojtësin francez.
Upamekano kërkon të paktën disa javë për rikuperimin, por nuk ka një datë të saktë për rikthimin e tij.
I rëndësishëm është fakti se si Devis ashtu edhe Upamekano nuk do të jetë të gatshëm për sfidat e ardhshme, më të rëndësishme ato në çerekfinalet e Champions League kundër Inter, më 8 dhe 16 prill.
Mungesa të rëndësishme për Bayern Munich dhe të tjera dhimbje koke për trajnerin Vincent Kompany, i cili duhet të gjejë zgjidhje në momentin deçiziv të sezonit./abcnews.al
