Meksika ka pezulluar marrëdhëniet diplomatike me Ekuadorin. Kjo për shkak se policia ka hyrë me forcë në ambasadën në Quito, me qëllim arrestimin e ish-zëvendëspresidentit ekudorian, Jorge Glas.
Kjo ka shkaktuar edhe një përçarje më të madhe mes vendeve.
Glas, rezulton i dënuar dy herë për korrupsion, dhe ai ishte mbyllur në ambasadën në Quito që kur kërkoi azil politik në dhjetor, me argumentin se po persekutohej nga zyra e prokurorit të përgjithshëm.
Ndërkohë Presidenti meksikan Andres Manuel Lopez Obrador ka bërë një reagim lidhur me këtë situatë, duke e cilësuar si një shkelje të ligjit ndërkombëtar dhe të sovranitetit të Meksikës.
/abcnews.al/
