Këto kohë jemi të detyruar të luajmë në kategorinë e tretë. Në këto pozita kombëtarja shqiptare e basketbollit për vajza deri në 16 vjeç, e cila përfundoi konkurrimin e radhës.
Ekipi kuqezi luajti 5 ndeshje në Divizionin C të Kampionatit Europian të moshës, nga të cilat fitoi tre dhe humbi dy.
Përballja e fundit ishte ajo ndaj Armenisë, fituar me rezultatin 65-60.
Në sfidën e parë, Shqipëria U16 kaloi bindshëm Moldavinë me shifrat 91-44, por pastaj pësoi një turpërim nga Andorra që na mundi me plot 35 pikë diferencë, 74-39.
U vazhdua me humbjen e ngushtë, 64-69 ndaj Azerbajxhanit dhe pastaj erdhën dy fitore të tjera, më parë ajo kundër Gjibraltarit 80-28, dhe pastaj kjo ndaj Armenisë.
Kundër Gjibraltarit, Shqipëria U16 arriti suksesin më të thellë.
Emilia Lazo ishte më e mira për ekipin kuqezi me 12.8 pikë mesatarisht për ndeshje dhe me 4.6 asistë për çdo takim.
Emili Tërshalla ishte gjithashtu e dalluar pasi pati 11.8 topa të kapur në tabela dhe 5 asistë për ndeshje./abcnews.al
