Në kohën kur pandemia ka goditur rëndë bizneset dhe familjarët, bashkia më e varfër në vend, ajo e Kukësit rrit taksat.
Në relacionin drejtuar këshillit bashkiak, kryetari Safet Gjici propozon rritjen e tarifave vendor për 2021. Edhe pse u shfaq në mbledhje përmes një video projektori, këshilli bashkiak i është bindur kërkesës së Gjicit.
Në unanimitet anëtarët kanë votuar për rritjen e taksës se infrastrukturës me 2%. Nga 4% që ishte ketë vit, do të bëhet 6% për ndërtesa për qëllime banimi dhe biznesi. Nga takimi i këshillit u vu re se një pjesë e mirë e këshilltareve nuk ia kishin idenë se për cfarë po votonin.
Debati në mbledhjen e këshillit bashkiak Kukës
Këshilltari: Taksat janë shumë OK-ej, 6% e kishte rritur ai, por se kundërshtoi dot kush, i japim të drejtë kryetarit dhe kryetares
Safet Gjici: Taksat nuk janë rritur fare
Këshilltari: Ajo për linjat ajrore ishte shumë fantastike
Safet Gjici: Ajo do të qëndrojë
Këshilltari: Rroftë partia
Biznesmenëve të kromit, Gjici ua kërkoi shtesën e taksës si një detyrim të të mirën e qytetit.
Vendimet për tarifat dhe taksat janë miratuar pa dhënë asnjë detaj apo sqarim për efekte që ata do të kenë te bizneset dhe qytetarët. Tarifat e reja pritet të ndikojnë tek qytetarët e Kukësit të cilët kryesisht mbahen me remitanca.
Problem tjetër është taksa e përkohshme për linjat e internetit, telefonit dhe të linjave të energjisë elektrike.
Bashkia nuk përcakton qartë metodologjinë e kësaj taksë, si do të bëjë vlerësimin për masën e taksës dhe ku bazohet ajo. Linjat elektrikut janë të përhershme, ndërkohë taksa është e përkohshme.
/Abcnews.al
