Të rinjtë që do të studiojnë në Universitetet e Tiranës do të mund të udhëtojnë falas edhe vitin e ri akademik.
Abonentë për të përdorur linjat e autobusit në kryeqytet do ta përfitojnë pa pagesë.
Për këtë mjafton të pajisen me kartën e studentit pranë sporteleve në fakultetet ku mësojnë ose në Agjencinë e Rinisë pranë bashkisë.
Në mbledhjen e fundit Këshilli bashkiak i Tiranës ka miratuar me votat e socialistëve propozimin e kryebashkiakut Erion Veliaj.
Ky është viti i dytë që studentët në Tiranë lëvizin me autobus pa paguar biletën e udhëtimit ndërsa kompanitë e transportit publik subvencionohen nga bashkia.
Shërbimin e transportit publik në kryeqytet e ofrojnë 11 operatorë privat në16 linja autobusësh që kalojnë nga qendra në periferi.
Këtë vit përfituan abone falas për të udhëtuar me autobus në Tiranë sipas bashkisë 118 mijë e 220 studentë.
