Ndërsa “beteja” për Kuvendin Kombëtar po afrohet, kreu i PD Lulzim Basha i ka përcjellë një tjetër mesazh ish-kryeministrit Sali Berisha. Kreu i PD shprehet se interesat e Berishës s’mund të vihen para atyre të demokratëve. Sipas liderit demokrat, Partia Demokratike është e vetmja shpresë për një të ardhme më të mirë për vendin.
“Interesi i një njeriu nuk mund të mbizotërojë mbi interesat e demokratëve dhe shqiptarëve që kërkojnë ndryshim. Partia Demokratike është e vetmja shpresë për një të ardhme më të mirë për Shqipërinë”, shkruan Basha ndërsa ka shpërndarë një video gjatë intervistës në ABC me gazetaren Jonida Shehu.
Interesi i një njeriu nuk mund të mbizotërojë mbi interesat e demokratëve dhe shqiptarëve që kërkojnë ndryshim. @pdshqiperi është e vetmja shpresë për një të ardhme më të mirë për Shqipërinë ??#NjëPartiNjëKuvend #18Dhjetor pic.twitter.com/c9c071zIO5
— Lulzim Basha (@lulzimbasha_al) December 1, 2021
Pavarësisht kontributeve që Berisha ka në PD, Basha i kujton ish-kryeministrin faktin se është shpallur “Non Grata” nga SHBA.
Lexo edhe: “Mbledh firma me poste drejtorësh”, Basha-Berishës: Përhap gënjeshtra të poshtërosh demokratët
“Që interesi as i Sali Berishës, as i Lulzim Bashës, nëse do të ishte i godituri me një vendim non grata të Departamentit të Shtetit, nuk mund dhe nuk do të prevalojë mbi interesat e demokratëve. Interesi i një njeriu, kushdo qoftë ky, cilado qofshin kontributet e tij, nuk mund të prevalojë mbi interesat e demokratëve dhe dua ta them, interesat e Partisë Demokratike, që është alternativa e vetme ndaj këtij pushteti të korruptuar“, thekson Basha në video. be.k /abcnews.al
