Loading ...
Presidenti i Kosovës Hashim Thaçi ka zhvilluar një takim me liderin e Partisë Demokratike Lulzim Basha në selinë blu. Në një reagim në rrjetin social “Twitter” Basha shkruan se me durim dhe mençuri politikanët në Kosovë do t’i tejkalojnë me sukses sfidat.
“Me Presidentin e Kosovës Hashim Thaçi biseduam për zhvillimet aktuale & ato të pritshme në Kosovë. Forcimi i shtetit të Kosovës, bashkëpunimi me partnerët SHBA&BE për të përmbyllur bisedimet me Serbinë duke respektuar sovranitetin & tërësinë territoriale, integrimi euroatlantik janë sfidat e Kosovës në të cilat unë dhe PD do të vijojmë të japim mbështetjen dhe kontributin tonë të pakursyer. Jam i bindur se me pjekuri, durim, forcë e mençuri politikanët e Kosovës do t’i tejkalojnë me sukses të gjitha sfidat që kanë përpara”, shkruan Basha.
