Kreu i Partisë Demokratike Lulzim Basha me anë të një statusi në rrjetet sociale shkruan se numri i të sëmurëve nga Covid po rritet përditë, dhe kapacitetet shëndetësore po shkojnë drejt kolapsit.
Sipas Bashës, Rama ka humbur kontrollin mbi pandeminë, megjithëse vala e dytë ishte paralajmëruar.
Më tej lideri i demokratëve thekson se po të ishte dëgjuar PD qeveria do kishte marrë masat e duhura.
Postimi:
Numri i të sëmurëve nga Covid-19 po rritet përditë, fatalitetet po shtohen dhe kapacitetet shëndetësore po shkojnë drejt kolapsit. Rama ka humbur kontrollin mbi pandeminë, megjithëse vala e dytë ishte paralajmëruar. Po të na kishte dëgjuar, qeveria do kishte marrë masat e duhura.
Në vend të llafeve, sot më shumë se kurrë duhen vendime dhe veprime të shpejta për të rritur testimet dhe fonde për të ndihmuar të sëmurët, shëndetësinë dhe ekonominë. Asgjë nuk është më e çmuar se jeta e njerëzve!
n.d./abcnews.al
