Barcelona fiton me Rashford/ Sulmuesi anglez shënon dy herë, spanjollët fitojnë 2-1 në Newcastle

Barcelona vuan, por shpërblen parashikimet në debutimin e saj në këtë edicion të Champions League.

Kampionët spanjollë fituan 2-1 në transfertën e vështirë kundër Njukasëll, falë Marcus Rashford, që kujtoi kohët e tij të arta.

Sulmuesi anglez ishte autori i dy golave të triumfit për skuadra katalonjase, duke iu përgjigjur sipas mënyrës së tij të gjitha dyshimeve dhe polemika për transferimin e tij në merkaton e verës.

Por për të marrë skenën, Rashford duhet të priste pjesën e dytë.

E para u mbyll pa gola, ndërsa pas pushimit, sulmuesi kaloi Barcelonën në epërsi në minutën e 58-të.

Po vetë, vetëm nëntë minuta më pas anglezi dyfishoi shifrat me golin e qetësisë për kampionët e La Liga.

Njukasëll provoi të ndryshonte fatin e ndeshjes, por arriti të gjejë vetëm golin e nderit në limitet e kohës së rregullt me Murphy.

Në fund festa isshte për Barcelonën, që mori një fitore të merituar për atë që dha në fushën e lojës.

Skuadra e Flik dominoi në të gjithë komponentët, duke kontrolluar topin më shumë se 64% dhe duke provuar më shumë për të gjetur portën kundërshtare.

Me këtë fitore, kampionët spanjollë konfirmojnë parashikimet që i vendosin ata mes favoritëve në garën për trofeun në këtë edicion të turneut më të rëndësishëm të futbollit europianpër klube.