Anëtarët e një bande sulmuan qytetin Mirebalais në Haitin qendror të hënën dhe liruan rreth 500 të burgosur nga burgu. Një zëdhënës i policisë kombëtare të Haitit tha se disa oficerë shtesë ishin vendosur në qytet.
Zyrtarët e policisë thanë për BBC se kishin rifituar kontrollin e Mirebalais, por raportet lokale paralajmëruan se shumë nga të burgosurit e arratisur ende po enden nëpër rrugë. Bandat e armatosura kanë nën kontroll pothuajse të gjithë kryeqytetin, por ky sulm i fundit duket se sugjeron se ato po synojnë gjithnjë e më shumë qytete në zona të tjera të vendit.
Mirebalais ndodhet në udhëkryqin e dy rrugëve kryesore, njëra që çon në veri nga Port-au-Prince në bregdet dhe një tjetër që çon në lindje në Republikën Domenikane. Vendasit thanë se disa njerëz të armatosur “deri në dhëmb” kishin qëlluar në ndërtesa dhe kalimtarë dhe kishin djegur ndërtesa dhe makina, duke i bërë banorët të largoheshin për të shpëtuar jetën e tyre.
Ata gjithashtu sulmuan stacionin e policisë lokale dhe sulmuan burgun, ku mbaheshin rreth 500 njerëz. Ata liruan të gjithë të burgosurit që gjendeshin brenda.
Një gazetar i radios lokale i tha agjencisë së lajmeve Associated Press se sulmuesit i përkisnin dy bandave – 400 Mawozo dhe një grupi që e quan veten “Taliban”, të dyja janë pjesë e koalicionit të bandës “Viv Ansam” dhe kontrollojnë pjesët veriore të Port-au-Prince.
Mendohet se dy bandat mund të përpiqen të fitojnë kontrollin e rrugëve kryesore që të çojnë nga zonat e tyre në fshat. Kujtojmë këtu se më më shumë se 5600 njerëz u vranë në Haiti vitin e kaluar si rezultat i dhunës së bandave, sipas shifrave të Kombeve të Bashkuara.
Ndërkohë sipas asaj që bën zyrtare OKB, 2212 persona të tjerë u plagosën dhe 1494 u rrëmbyen në përgjatë vitit 2024./abcnews.al
