Kampionët në fuqi të Kosovës, Ballkani kanë arritur të fitojnë me përmbysje me shifrat 3-2 në ndeshjen e kampionatit përballë Malishevës, me “Dardanët” e Ilir Dajës që e panë veten në disavantazh në minutën e shtatë kur Hazrollaj ndëshkoi vendasit. Megjithatë, skuadra nga Suhareka reagoi mirë dhe përmbysi brenda pjesës së parë.
Në minutën e 22-të shënoi Halili ndërsa shtatë minuta më pas realizoi Gripshi, ndërsa me nisjen e pjesës së dytë, Ballkani realizoi edhe golin e tretë me anë të Zybës. Por, miqtë shkurtuan diferencat me anë të Aliut, por që gjithsesi në fund rezultoi një gol sa për statistikë.
Pas kësaj sfide, Ballkani ngjitet në vendin e parë me 13 pikë, po aq sa Llapi, por me një ndeshje më pak në kalendar, ndërsa Malisheva mban vendin e tretë me nëntë pikë. Në ndeshjet e tjera, Drita mposhti 3-0 Prishtinën ndërsa Liria u mposht me shifrat 3-5 ndaj Feronikelit. /i.n /abcnews.al
