Pasi arritën të kualifikoheshin për të dytin vit radhazi në fazën e grupeve të Conference League, “daradnët” e Ballkanit të udhëhequr nga tekniku Ilir Daja, nuk ka ndalur hapin as në kampionat, teksa pasditen e sotme ka mundur Gjilanin me rezultatin e ngushtë 2 me 1.
Skuadra nga Suhareka kaloi e para në avantazh me anë të Albin Berishës në minutën e 19’ për t’u barazuar më pas në fraksionin e dytë nga një gol i Bilallit në të 59’-tën minutë.. Megjithatë, kampionët në fuqi nuk e kishin thënë ende fjalën e fundit dhe gjetën golin e fitores me Arb Manajn në minutën e 78’, duke siguraur kështu një tjetër fitore në kampainat.
Ndërkaq, në përballjet e tjera të pasdites së sotme, Prishtina barazoi në transfertë 0-0 ndaj Llapit, teksa një tjetër barazim u regjistrua në sfidën mes Dritës dhe Dukagjinit, me përballjen e këtyre të fundit që përfundoi me rezultatin 2 me 2. /i.m /abcnews.al
