Ballkani ka shanse të mira të kalojë në play-off të Conference League, pasi mundi me rezultatin 3-2 kampionët e Ishujve Faroe, KI Klaksvik.
Skuadra e drejtuar nga Ilir Daja tregoi forcën e saj që në fillim, duke shënuar dy gola që në pjesën e parë të ndeshjes.
Gripshi ishte fantastik me një goditje me kokë në zhbllokimin e duelit, ndërkohë që më pas realizoi edhe Korenica.
Vijon të realizojë sërish Albin Rrahmani, autor i 6 golave në Conference League këtë sezon. Sulmuesi shënoi golin e tretë, ndërsa miqtë u përgjigjën me Klettskard me një gol shprese.
KI Klaksvik nuk u dorëzua dhe shënoi edhe një tjetër gol dy minuta para fundit, me autor po Klettskard. Kualifikimi mbetet i hapur me rezultatin 3-2.
Ballkani -KI Klaksvik 3-2
Gripshi 30’, Korenica 41’, Rrahmani 50’ / Klettskard 69’, 88’
