Një ndër lëvizjet më të bukura të “legjionarëve” të Kombëtares sonë, merkaton që sapo lamë pas është dhe kalimi nga Empoli te Sassuolo i mesfushorit Nedim Bajrami, i cili te klubi i ri ritakohet me “mentorin” e tij tek Empoli, Alessio Dionisi.
Ky i fundit e ka shfaqur haptazi pëlqimin e tij për 23-vjeçarin shqiptar, ku madje i ofroi dhe plot 23 minuta për të bërë debutimin e tij, në ndeshjen e fundit përballë Atalantës. Ndërsa ditën e sotme, tekniku Dionisi ka folur disa fjalë për afrimet e fundit të mërkatos së Sassuolos përpara përballjes me Udinesen, ditën e nesërme.
“I komplimentoj për qëndrimet e tyre, një gjë e tillë do të ndikojë që ata të bëjnë mirë tek ekipi ynë. Bajrami dhe Zortea e dinë që kanë hedhur një hap përpara duke ardhur te Sassuolo.
Më pas e bën skuadra diferencën. Kam një grup të mirë, që ua lehtëson përshtatjen lojtarëve të rinj. Jam i bindur se, siç kanë bërë deri tani, ata do t’i japin një dorë skuadrës.
Si unë dhe drejtuesit ishim dakord për këto dy afrime. Na janë larguar katër lojtarë, por ia dolëm të firmosnim me dy lojtarë të rinj dhe të motivuar”,- u shpreh trajneri i Sassuolos, ku shprehet tepër optimist për blerjet e bëra nga klubit këtë merkato. /i.m /abcnews.al
