Babai i gazetarit bjellorus Roman Protasevich, i cili u arrestua në Minsk pasi avioni me të cilin ai udhëtonte u detyrua të ulej në kryeqytetin bjellorus, tha se beson se djali i tij është detyruar të fliste në një video të postuar në internet të hënën. Babai ka thënë gjithashtu se djali i tij është shfaqur me hundën e thyer.
Gazetari, i cili jetonte së fundmi në Lituani dhe partnerja i tij Sofia Sapega u arrestuan pasi Bjellorusia dërgoi një avion luftarak për të detyruar avionin Ryanair në Vilnius të dielën të zbriste në Minsk.
26-vjeçari Protasevich, në videon e postuar në aplikacionin e mesazheve Telegram ka pranuar se ai fshihej pas protestave masive të opozitës në kryeqytetin bjellorus vitin e kaluar.
Megjithatë, sipas babait të Dmitry Protasevich, djali i tij mund të jetë detyruar të deklarojë ato fjalë në video, përcjell abcnews.al.
“Është e mundur që hunda e tij të jetë thyer, sepse forma ishte ndryshe dhe duket se ka shumë pluhur mbi të. E gjithë ana e majtë e fytyrës së tij kishte pluhur,” i tha Dmitry Protasevich, Reuters nga Wroclaw, Poloni, ku ai jeton me gruan e tij.
“Këto nuk janë fjalët e tij, kjo nuk është mënyra se si ai flet. Duket shumë i ndrojtur dhe mund të shihet se është nervoz. Dhe këto nuk janë cigare të tijat në tryezë, ai nuk i pi. Kështu që mendoj se e kanë detyruar,” shtoi ai. Dmitry Protasevich vuri në dukje: “Djali im nuk mund të pranojë se a nxiti mosbindje masive thjesht sepse nuk e ka bërë një gjë të tillë.”
Ndërkohë, Ministria e brendshme e Bjellorusisë thotë se Protasevich po mbahet në një burg në Minsk dhe ka mohuar çdo problem shëndetësor.
27 udhëheqësit e BE kërkuan të hënën lirimin e menjëhershëm të disidentit si dhe partneres së tij, ndërsa ranë dakord të vendosnin sanksione të reja ndaj Bjellorusisë dhe duke u kërkuar kompanive ajrore të shmangin hapësirën e saj ajrore. Në të njëjtën kohë, ata ndaluan kompanitë bjelloruse të fluturonin në hapësirën ajrore të BE. g.v/abcnews.al
