Loading ...
Milot Rashica ka përjetuar gëzimin më të madh të jetës. Sulmuesi dardan është shtuar me fëmijë dhe është bërë zyrtarisht baba. Bashkëshortja e tij, Belkiz Kera Rashica ka lindur djalë, emri i të cilit nuk bëhet i ditur.
“Ëndërro gjëra të mëdha e mëdha, vogëlushi im“, shkruan lojtari i Werder Bremen në “Instagram”, aty ku ka postuar një foto me anëtarin më të ri të familjes. Urimet e tifozëve kanë “pushtuar” këtë postim të 23-vjeçarit, i cili pritet të transferohet në një klub më të madh në merkaton e verës.
Miloti dhe Belkiz u fejuan në vitin 2015 dhe kurorëzuan me martesë dashurinë e tyre gushtin e vitit të kaluar. 10 gola ka shënuar Rashica me Werderin këtë sezon, ndërsa numëron 4 gola të shënuar në 25 ndeshje të zhvilluara me Kosovën. /abcnews.al
