Tashmë dihet se sa i rëndësishëm është manteli ose ndryshe “Bisht” për botën arabe, manteli që Emiri i Katarit përdori për të mbuluar Messi përpara se të ngrinte Kupën e Botës për Argjentinën.
Ky mantel përfaqëson mbretërinë, pasurinë, kalorësinë dhe mençurinë, sipas kulturës arabe. Ka të ngjarë të jetë nderimi më i lartë që mund të ofrohet për një person dhe Messi e mori atë. Por ky “Bisht”, ka rënë në radarët e njerëzve të pasur që duan ta kenë për vete, dhe pamundsia për t’u nderuar me veshjen e saj, ata kërkojnë të paguajnë shifra të frikshme.
Ahmed Al Barwani është një avokat dhe një anëtar i parlamentit të Omanit, i cili bëri një ofertë masive për Leo Messin për t’u marrë në konsideratë. Ai dëshiron të paguajë shtatë shifra për ta sjellë atë veshje në një ekspozitë dhe koleksion të duhur për ta parë bota. Por Messi nuk ka gjasa ta kthejë atë për para, ai e kupton se sa i rëndësishëm ishte ky nder për një të huaj dhe një person pa sfond kulturor arab. Vendi më i mundshëm ku do të ulet ky Bisht është muzeu i Leo Messit në qytetin e tij të lindjes, Rosario. Por pavarësisht kësaj, oferta nga Al Barwani qëndron ende nga një person i besueshëm.
صديقي ميسي..
من #سلطنة_عمان أبارك لكم فوزكم بـ #كأس_العالم_قطر_2022أبهرني الأمير @TamimBinHamad وهو يُلبسك #البشت_العربي ،رمز الشهامة والحكمة.#ميسي
أعرض عليك مليون دولار أميركي نظير أن تعطيني ذلك #البشت#Messi?
I’m offering you a million $ to give me that bisht@TeamMessi pic.twitter.com/45BlVdl6Fh— أحـمَـد الـبـَروانـي (@AhmedSAlbarwani) December 20, 2022
Së pari, Al Barwani shkroi diçka në Twitter dhe ata folën me “The National” për ofertën e tij.
“Nga Sulltanati i Omanit ju përgëzoj për fitimin e Kupës së Botës Katar 2022. Ai është bisht arab, një simbol i kalorësisë dhe mençurisë. Unë po ju ofroj një milion dollarë në këmbim të atij bishti. Isha në stadium duke parë live atë moment kur Emiri i Katarit i dha Messit mantelin.
Ky moment i tha botës se ne jemi këtu, dhe kjo është kultura jonë, ju lutemi ta dini mirë. Do të shfaqet për të përkujtuar atë moment krenarie dhe për të na ndihmuar që ta rijetojmë atë, dhe gjithashtu për të na kujtuar se ne mundemi të bëjmë. Ky turne ishte një burim krenarie dhe ka nxjerrë në pah fakte të rëndësishme se si ne nuk harruam Palestinën dhe se arabët janë një dhe të bashkuar”, u shpreh ai./ h.ll/abcnews.al
