Loading ...
Jose Mourinho nuk është më trajneri i Tottenham. “Special One” mori drejtimin e klubit londinez 20 nëntorin e vitit 2019, teksa kishte kontratë deri në verën e vitit 2023.
Rezultatet nuk kanë qenë aspak pozitive, ndërsa loja e bukur është parë rrallë tek ekipi i Premier League. Tottenham renditet në vend të shtatë në kampionat.
Drejtuesit e klubit nuk kanë duruar më dhe pak minuta më parë kanë vendosur të shkarkojnë nga detyra një nga trajnerët më fitues të botës së futbollit.
Champions League është objektivi i madh i Spurs, që ndodhen 5 pikë larg vendit të katërt. I vetmi peng i Mourinhos është fakti që nuk ia doli të dërgojë ekipin te trofe.
Tottenham është klubi i vetëm me të cilin 58-vjeçari nga Setubali nuk ka fituar asgjë. Shansin do e kishte më 25 prill, datë kur zhvillohet finalja e EFL CUP.
Tottenham do të përballet në finale me Manchester City, por drejtuesit nuk pritën më dhe vendosën të ndërpresin bashkëpunimin me të. /abcnews.al
