Automjeti përplas motoçikletën në Elbasan, një person në gjendje të rëndë

Një aksident raportohet të ketë ndodhur mbrëmjen e së mërkurës në Godolesh të Elbasanit.

Gazetari i Abc News Aldo Kozarja raporton se një automjet ka përplasur një motoçikletë. Si pasojë e përplasjes ka mbetur në gjendje të rëndë drejtuesi i motorit , i cili raportohet të ketë qenë pa patentë.

Drejtuesi i automjetit është shoqëruar në polici. Po punohet më tej për zbardhjen e ngjarjes. /abcnews.al/