Australia po planifikon të ndërtojë kullën më të lartë në botë prej druri.
Mësohet se po planifikohet ndërtimi i një kulle “hibride” me gjatësi 191.2 metër në qytetin Perth.
42% e kullës do të konstruktohet me dru, kolonat do të jenë prej betoni. Sipas firmës zhvilluese, kulla do të ketë 200 apartamente dhe do të jetë ndërtesa e parë antikarbon në Australinë Perëndimore. Për ndërtimin e kullës do të përdoren 7400 metër kub dru, të mbledhura nga 600 pemë.
Përveç përdorimit të drurit në ndërtim, plani i kompanisë është të përfshijë edhe hapësira të gjelbra si çati me pemë e lule, një fermë urbane edhe akses për rezidentët me 80 makina plotësisht elektrike./abcnews.al
