Një kartolinë nga Australia mbërriti në qytetin Kent, Anglia, 42 vjet pas misionit të saj. Kartolina u dërgua me postë nga Sydney më 27 gusht 1981.
Samantha Williams, qiramarrësja aktuale e shtëpisë në Elm Grove Street, tha se kartolina ishte “një mister”.
“Do të donim të gjenim personin të cilit i drejtohet dhe t’ia jepnim atij”, u shpreh ajo. “Ata ishin padyshim miq të mirë dhe kjo mund të thotë shumë për të.”
Kartolina i drejtohet Steve Padgett dhe ka një mesazh të shkruar me dorë nga ‘Gerry’. Williams tha se një nga fëmijët e saj fillimisht mendoi se ishte një kartë Krishtlindjesh.
“Ishte dërguar nga një njeri i quajtur Gerry në Sidnei dhe i ishte drejtuar Steve Padgett ose Padge, i cili besojmë se jetonte këtu me prindërit e tij në vitet 1980. Ajo ka vetëm një vulë prej 32 centësh mbi të, kështu që mund të jetë ngecur në ndonjë zyrë klasifikimi në Australi ose MB për më shumë se 40 vjet.”
Postcard from Australia arrives in Kent 42 years after it was sent https://t.co/i10Sl0Wkd8
— BBC News (UK) (@BBCNews) December 8, 2023
Kartolina përmban Shtëpinë e Operës së Sidneit.
Sipas BBC, një zëdhënëse e Postës Mbretërore tha: “Është e vështirë të spekulohet se çfarë mund të ketë ndodhur, por është e mundur që përsëri mund të ketë ngecur në sistemin e postës”./abcnews.al
