Jean-Michel Aulas është një nga presidentët më jetëgjatë në futbollin evropian. 71-vjeçari ndodhet në krye të Lyon që prej vitit të largët 1987 dhe ka zbuluar datën e ndeshjes së kthimit në Champions League kundër Juventusit të Maurizio Sarrit.
Francezët fituan 1-0 në duelin e parë të raundit të 1/8 dhe në 7 gusht do të tentojnë të eliminojnë një nga favoritët kryesorë për fitimin e këtij kompeticioni. Vështirësia do të jetë e madhe, sidomos në aspektin fizik, pasi kampionati francez është pezulluar përfundimisht.
“Ndeshja e Champions League kundër Juventusit, është konfirmuar në datë 7 gusht. Do të luhet në Torino me dyer të mbyllura. Nëse nuk rikthehet Ligue 1, Lyon dhe PSG do të masakrohen nga skuadrat që do të kenë një përgatitje fizike të cilën ne nuk do e kemi”, deklaron Aulas për RTL France. /abcnews.al
