Real Madrid fitoi 3-1 përballë Valencias në gjysmëfinalen e Superkupës së Spanjës dhe u kualifikua në finalen e madhe të 12 janarit. Tre golat e shënuar dhe paraqitja shumë e mirë kanë rritur besimin e djemve të Zidane, teksa finalisti tjetër do të dalë nga çifti Atletico Madrid-Barcelona.
Casemiro është një lojtar që nuk kursehet në çdo cep të fushës dhe nuk ka frikë asnjë kundërshtar. Edhe pse i vlerëson Atleticon dhe Barcelonën, 27-vjeçari nuk ka preferenca për rivalin e finales, madje është i bindur që në fund trofeun do e fitojë Reali i tij.
“E dominuam ndeshjen kundër Valencias, e kontrolluam mirë nga fillimi deri në fund. Rivali në finale? Sinqerisht, nuk ka asnjë rëndësi për ne. E dimë që të dy skuadrat janë shumë të vështirë për t’u përballur. Do jemi gati të sfidojmë secilën që kualifikohet në finale. Do e përgatisim mirë ndeshjen dhe do e fitojmë“, thekson mesfushori brazilian. /abcnews.al
