200 palë atlete Louis Vuitton dhe Nike Air Force 1, të krijuara nga dizajneri i ndjerë amerikan, Virgil Abloh, janë shitur në ankand për 25 milionë dollarë, shkruan The Guardian
Atletet u shitën mesatarisht për më shumë se 100,000 dollarë për palë. Më të lirat u shitën për pak më shumë se 75,000 dollarë, ndërsa më të shtrenjtat për 350,000 dollarë. Atletët e koleksionit të veçantë, të prodhuara nga lëkura e viçit, u krijuan fillimisht për koleksionin e meshkujve Pranverë-Verë 2022 të Louis Vuitton, drejtor artistik i të cilit ishte Abloh.
Atletet e Louis Vuitton u krijuan për të festuar 40-vjetorin e Nike Air Force 1. Të ardhurat nga shitja do të shkojnë për një fond bursash të krijuar nga Virgil Abloh që mbështet stilistët aspirantë me origjinë afro-amerikane ose afrikane.
Virgil Abloh ishte afro-amerikani i parë që ishte drejtor artistik i një shtëpie mode luksoze franceze.
Në vitin 2018, ai u cilësua nga revista Time si një nga 100 njerëzit më me ndikim në botë.
/abcnews.al
