Juventusi dhe Barcelona, dy klubet në krye të krijimit të Superligës, tani janë në telashe. Dy çështje janë hapur kundër Bianconerëve për fitimet kapitale dhe çështja “Prisma” (manovra me listëpagesat e lojtarëve), ndërsa katalanasit po luftojnë kundër “çështjes Negreira”. Sipas presidentit të UEFA-s, Aleksander Čeferin, edhe Madridi mund të përballet së shpejti me probleme.
“Më duhet të theksoj se në mesin e tre klubeve që duan të “shpëtojnë futbollin”, një është nën ndjekje penale për falsifikim të pasqyrave financiare dhe një tjetër është nën hetim për pagesat për anëtarët e organizatës së arbitrazhit. Të shohim nëse i treti ka bërë shkelje”, tha Ceferin në një intervistë për L’Eqipue.
“Agnelli po largohet? Nuk do ta quaja kënaqësi. Sigurisht, unë di shumë më tepër informacion sesa tifozi mesatar. Historia e Juventusit duhet të kishte përfunduar kështu. Nuk kam një marrëdhënie emocionale me Agnellin, por dua të theksoj se ende e respektoj Juventusin si klub. E njëjta gjë vlen edhe për Madridin dhe Barcelonën.
Aleksander Ceferin është kumbari i vajzës së Andrea Agnellit. Në të kaluarën ata ishin të lidhur me marrëdhënie miqësore, por pasi Agnelli, së bashku me klubet e tjera, vendosën të krijojnë Superligën, slloveni po përpiqet maksimalisht të mohojë italianin. /G.D abcnews.al/
