Astronomët kanë konfirmuar se objekti planetar më i largët i sistemit tonë diellor, i quajtur Farfarout, është pothuajse katër herë më larg nga Dielli se sa është Plutoni. Ky i fundit ndodhet rreth 3.1 miliardë milje larg Dielli, ndërsa Farfarout është 12.2 miliardë milje larg Diellit.
I quajtur zyrtarisht 2018 AG37 ose ndryshe si Farfarout, trupi i akullt i mundshëm është objekti më i largët i vërejtur ndonjëherë në sistemin tonë diellor. Objekti është rreth 400 km i gjerë, duke e vendosur atë në skajin e ulët të të qenit një planet xhuxh, dhe duhen 1.000 vjet për të përfunduar një orbitë rreth Diellit.
Studiuesit thonë se është e vështirë të përcaktohet me siguri përbërja e Farfarout, por ka të ngjarë të jetë një trup i akullt. “Zbulimi i farfarout tregon aftësinë tonë në rritje për të hartuar sistemin e jashtëm diellor dhe për të vëzhguar gjithnjë e më larg drejt skajeve të sistemit tonë diellor.”, u shpreh astronomi Scott Sheppard. /abcnews.al
