Një vrimë e zezë e padukshme me masë të ndërmjetme fshihet në zemër të grupit yjor globular më të afërt me Tokën, 6000 vite dritë larg, kanë zbuluar astronomët.
Vrimat e zeza me masë të ndërmjetme, që peshojnë rreth 100 deri në 100,000 herë më shumë se masa e Diellit, duket të jenë të rralla dhe astronomët kanë vërejtur disa vrima të tilla të zeza të mundshme në periferi të galaktikave të tjera, si dhe në grupime të dendura globulare yjesh që rrotullohen rreth Diellit.
Duke përdorur aftësitë unike të teleskopit hapësinor Hubble të NASA/ESA -s, astronomët u fokusuan në thelbin e grumbullit yjor globular Messier 4 (M4) për të hetuar vrimat e zeza me saktësi më të madhe se sondazhet e mëparshme. Studimi i tyre është publikuar në revistën Monthly Notices të Shoqërisë Mbretërore Astronomike.
Ekipi, i udhëhequr nga Eduardo Vitral nga Instituti Shkencës i Teleskopit Hapësinor në Baltimore, identifikoi një vrimë të zezë të mundshme me masë të ndërmjetme, që peshonte rreth 800 herë më shumë se masa e Diellit. Kjo vrimë nuk është e dukshme, por masa e saj është llogaritur duke studiuar lëvizjen e yjeve në fushën e saj gravitacionale.
Megjithatë, për shkak se vrimat e zeza me masë të ndërmjetme në grupimet globulare janë kaq të pakapshme, Vitral paralajmëron se “nga ana tjetër, mund të ketë një mekanizëm yjor për të cilin ne thjesht nuk kemi informacion, të paktën në kontekstin e fizikës aktuale”./abcnews.al
