AstraZeneca ka bërë të ditur ditën e djeshme se po punon me Universitetin e Oksfordit për të adaptuar vaksinën e saj COVID-19 për të mbrojtur nga llojet e reja të virusit. Ndërsa zyrtarët e shëndetit publik ngrenë shqetësime rreth mutacioneve që mund ta bëjnë virusin më rezistent ndaj vaksinave ekzistuese.
Prodhuesi i vaksinës anglo-suedeze punoi me Oxford për të zhvilluar një nga vaksinat e para COVID-19 të autorizuara për përdorim të gjerë. AstraZeneca tha se shpreson të shkurtojë kohën e nevojshme për të prodhuar sasi të mëdha të çdo vaksine të re në mes gjashtë dhe nëntë muaj.
Komentet erdhën ndërsa Astra-Zeneca tha se të ardhurat neto të tremujorit të katërt u rritën në 1.01 miliard dollarë nga 313 milion dollarë në të njëjtin tremujor të një viti më parë. Shitjet e barnave u rritën me 11% në 7,41 miliardë dollarë, të nxitura nga një rritje prej 24% në trajtimet e kancerit.
Kompania tregoi 2 milion dollarë të ardhura nga vaksina e saj COVID-19, të cilën ajo është zotuar të sigurojë mbi një bazë jo fitimprurëse gjatë pandemisë dhe tha se do të fillojë raportimin e shitjeve të vaksinës veçmas në tremujorin e ardhshëm. l.k/abcnews.al
