Kombëtarja e Koresë së Veriut është tërhequr nga ndeshjet kualifikuese të Botërorit Katar 2022 dhe sfidat eliminatore të Kupës së Azisë 2023.
Federata e Futbollit të vendit aziatik ka konfirmuar për The AFC vendimin drastik, por pa dhënë shpjegime rreth kësaj zgjedhje.
Muajin e kaluar, Koreja e Veriut lajmëroi edhe tërheqjen nga Lojërat Olimpike të Tokios, të programuara të luhen këtë verë.
Shkaku? Rreziku i infektimit të sportistëve me koronavirus. Drejtuesit vendosën të mos marrin pjesë për të ruajtur shëndetin e delegacionit korean. /abcnews.al
