Loading ...
Me shumë mundësi aventura këtë vend të shquar ka marrë fund.
Jasir Asani është kthyer në Shqipëri që nga Irani, menjëherë pas nisjes së luftës mes Teheranit me Shtetet e Bashkuara të Amerikës dhe Izraelin, ndërsa e ardhmja pritet të jetë sërish shumë larg.
Konkretisht në Lindjen e Largme, dhe saktësisht në Korenë e Jugut ku ishte përpara sesa të zhvendosej për në Lindjen e Mesme.
Mediat koreane dhe ato iraniane raportojnë se agjentët e Asanit I kanë kërkuar klubit Esteglal që t’i ndërpresë kontratën përderisa kampionati është ndërprerë, dhe nuk dihet se kur mund të fillojë.
Konflikti duket tepër I ashpër dhe interesat shumë të mëdha që gjithçka të marrë fund shpejt.
Po këto media raportojnë se agjentët e shqiptarit kanë kontaktuar me disa klube koreanojugorë, mes të cilëve me trajnerin e ekipit Suvon Samsung, Li Jong-Hjo, ndonëse ky transferim duket I vështirë.
Suvon ka limit për lojtarët e huaj dhe disa janë që tani pjesë e skuadrës.
Po ashtu, në Korenë e Jugut është mbyllur faza e transferimeve e lejuar nga rregullat e FIFA-s.
Nga ana tjetër, pritet që futbollisti nga Shkupi të kërkojë rrogë të madhe, dhe nuk do të jetë e lehtë që koreanët ta kënaqin.
Deri tani nuk ka largim zyrtar nga Esteglal, edhe pse situata është e tillë që e sheh braktisjen e Iranit si mundësinë më reale.
Klubi nga Teherani e mori për 1 milionë euro, dhe Asani ka shënuar 13 gola e ka shërbyer 14 asistë në 29 ndeshje këtë sezon, duke qenë një nga yjet më të mëdhenj të Ligës Profesioniste të Iranit.
